చందమామ చందమామ - ఓ చందమామా!
చందమామ కూతురు - చంద్రగిరి కన్నె
చంద్రగిరి కన్నెకు - నిండుపూలతోట
పూసింది మున్నూరు - పూవుల్ల తోట
కాసింది మున్నూరు - కాయల్ల తోట
పండింది మున్నూరు - పండుల్ల తోట
అందులో ఒక పండు - అందమయిన పండు
ఆ పండు దాపున - జీడిగింజ మొలచె
జీడిగింజ జిడ్డి తలుపు - నే తీయలేను
నా కంటే నా చెల్లి - అతి ముద్దరాలు
అతి ముద్దరాలి చేత - పాలు కాగపెడితే
పాలు మీద తేలింది - పగడాలపేరు
పగడాలపేరు తెచ్చి - కోమటింట పెడితే
కోమటోడు పెట్టాడు - గోరంచు చీరె
ఊరివారు పెట్టారు - ఉల్లిమళ్ళ చీరె
మావారు పెట్టారు - మల్లిమొగ్గల చీరె.
